|
|
|
ስነ ጽሑፍ |
|
ስዕለ ዓምላክ ዓለም
ዓለም የአምላክ ስዕል ብሩሽ ያልነካካው ስዕለ አምላክ ዓለም ያልተጎሳቆለው ህብራማው ህዳጉ ልብ የሚአዋልለው ነጣ፤ ጠቆር፤ ጠየም ፤ ቀላ ፈካ ብሎ ሲያስደምም ዓለምን ውበት ተከልሎ ህሊናን በደስታ እያረሰረሰ ሲመስጥ ልቡናን ደስታ እየለገሰ ይኖራል ዘለዓለም ሳይባል ደጎሰ። ስዕለ አምላክ ዓለም ውብ እንዳንቺ የለም እኛም የኣለም ስዕል እስትንፋስ ውጤቱ ተከውነን በእጁ አድገን በስርዓቱ ገፀ ራሱ ሆነን መላን በምድሪቱ። ህፀፅ የሌለበት እደጥበብ ስራ መደመር፤ መቀነስ፤ ማካፈል ያልጠራ ዝንተዓለም ይኖራል ከበረከት ጋራ። አምረን በስትንፋሱ ግዛቱ ተሰጥቶን በረከት ጥበቃው ሳይጓደልብን እንደምን እንጣው ክፉ ስራ ሰርተን? ስዕለአምላክ ዓለም ውብ እንዳንች የለም አዳም አባታችን ፀጋውን እንዳጣ ቅጠል ሆነ ልብሱ ተንከባካቢ አጣ። ሲጠራው አባቱ አውቆ እንደወደቀ ፀጋው እንደሸሸው እንደተራቆተ እነሆኝ ለማለት መደበቅን ሻተ። ድንጋይ ተሸከመ ሊመለስ ወደደ ገባው መበደሉ ጨለማ እንደዋጠው ደይን እንደወረደ ግዛ ንዳ ብሎ አምላክ በፈቀደ። እንደ አቢዳራ ቤት የመላ ፀጋውን ሰበብ አራቆተው ፈተነው አሞቱን ተሳነው መጠበቅ ገነት መከታውን። ይቅር አለው ዓምላክ እርሱ በወደደ የጥንት ፀጋውን በሰበብ አስኬደ። ኑርባት አለምን ላብ እንደጎርፍ ወርዶህ ዳግም አትበድል እንዳይርቅህ ፀጋህ ስዕለ አምላክ ዓለም ውብ እንዳንቺ የለም እኛስ? ህብረቀለማቱ ያማርነው በጣቱ የማርያም መቀነት የሩህሩህ እናቱ። ክብርን ተጎናፅፈን በቸርነት ደንቡ ተሟልቶልን በቸርነት ደንቡ እንዴት እንኩራራ በዕደ ጥበቡ? ትከሻን ማሳየት ወገን ለወገኑ ይላልወይ መጣፉ አትሁን ተገኑ። ፈጣሪ እጁ ሙሉ አያልቅበት መና ያድለን በሰፊው የህፃን ልቡና ትንሽ ኣለም ከንቱ በመክብብ መፅሐፍ አባብለሽ ስትነጥቂ አይልብሽ ዝንፍ። ስዕሎቹም እኛ ሰዐሊው ፈጣሪ ደራሲውም እኛ ተደራሲው ኗሪ ቀለሙም ፀጋ ነው ብሩሹም በረከት ሸራውም ዓለም ነው ህጸጽ የሌለበት ስዕለ አምላክ ዓለም ውብ እንዳንቺ የለም
አፎምያ ሚካኤል |